Kumpulan Pantun Enim

KUMPULAN PANTUN ENIM 2010

PANTUN ENIM POPULER

oleh Marland Bd pada 01 Desember 2010 jam 8:23
 Ijuk-ijuk betali ijuk
ijuk betali benang bola
esok-esok kunanti esok
esok ku nanti dengan tulah

 Rapat-rapat daun kuini
Masih rapat daun embacang
Kalu dik dapat taun ini
Masih ku ahap taun datang

Alangkah elok kandis itu
Elok dibuat bumbu manduk
Alangkah elok budak itu
Elok dibuat nek nantu enduk

Anak elang anak elung
Anak depati Tanjung Agung
La begelang la bekalung
Nak kawin lum di ajung


 Selaput di bawah jambat
Bujang bekurung nanam sehai
Batan upat jangan di buat
Lambat ngah gacang kan becerai

Mendai rantau simpang kiri
Aram temagham rantau kandis
Amun dengan nak balik pagi
Haram badanku mun dik nangis

 Sungguh jauh kutenye medan
Kapal belayar siang ahi
Sungguh jauh ading kupandang
Asekah dikde betemu lagi

Sehai sehumpun runcing daun
Ditiup angin saye lembut
Empuk becerai seribu taun
Masih tebilang rupe rambut

 Selame dikde ke sawah
 Padang entemu makan api
Lah lame dikde betemu
Betemu kite dalam mimpi



nak kuapekan dedak senihu
Puas kuhendam kumanisi
Kuapekan hatiku hindu
Puas ku dendam ku tangisi

Sehai sehumpun runcing kata
Badah belalang pagi ahi
Empuk becerai lain kota
Masih nak tunggal batang ahi

 Kelaut mengambur lidi
 Pancing gi masih bebiasan
Masuk laut gelumbang api
Ading dik ade ku lepaskan

 Empuk nde bejual kawe
Masih nak busik ke besemah
Empuk dik njadi dalam dunie
Nak sebandung dalam tanah

 Ubur-ubur kepingin due
Anak kambing di atas batu
Masuk kubur kite bedue
Hancur lebur menjadi Satu

Jalan-jalan ke Pagar Gunung
Dusun di bukit barisan
Ke sini bingung ke sane bingung
laju betemu betangisan

 Limau manis di kanan jalan
Due sebendung ngan dehian
Jangan nangis aduhai badan
Sangkan tetibe li bagian

 besesah kain di papan kayu
Umban selembar daun  jati
Lah lame menanggung hindu
Tekapak tangan luke ati

 Bedegur guruh dilangit
Ujan menanti di Pajar Bulan
Keriau jeme ngatekah lengit
Tungguan kami masih bejalan

 Kain sesahan di pakai pegi
Pintakku jangan diampaikan
ku pacak ngan ke pegi
 tolong aku jangan lupekan

pohon enau berbaju ijuk 
ijuk dipintal jadilah sapu
kalau ading lagi merajuk
bujuklah die dengan merayu

mandi ke enim niti jambatan
bawa sabun same telasan
mpai ribang nak jadi nian
pejadi bingung memane rasan

ketalang menanam kawe
kawe abis di makan kehe
nginak ngan duduk bedue
ase tengkahup isi dunie

surat cinta motipne kembang
diterime gadis hatinya senang
memakne aku nde ke ribang
muke alap keluarge tepandang

bukan piluk sembarang piluk
piluk di pancing parak muare
kami iluk ngan  iluk
kalu miktu jadikan saje...

ikan keli ikan kalang
nangkap ikan pakai bubu
aku galak ngan ribang
sayang pejadi ndeu setuju

jangan galak melate late
apelagi ngumung ngelantur
pantun ini permainan kate
silakan bace semoga terhibur

pegi ketanjung mbeli katun
katune alap beragi ragi
ini kate sekedar pantun
jangan masukkan kedalam ati



KUMPULAN PANTUN ENIM 2010

oleh Marland Bd pada 22 Desember 2010 jam 15:43
Kumpulan pantun enim 2010

Oleh

Marlan Bd

PANTUN JENAKE

jeme bunguk munggahi tebing
tepicul dikit laju teguling
tetawe ibung sambil nengkaing
nginai mamang pakai stoking

jalan behakap dide bebelur
tehamban batu laju tepelintut
tuape titu bunyi bedegur
rupenye nenek duduk tekentut
...
sangkan nian ibung merengut
sebab mamang nindak behinggut
sangkan banyak gadis pingut
beabang pipi masih beginjut

nimak nian sakit sariawan
jadi tepakse makan bubur
mateku njegil kane melawan
tapi teteguk pisang kundur

kupik gundul itulah tuyul
tuyul mati di pangkuhk botol
pedie titu tegak nyendaul
dami dikinai rupene pistol


kalu ngan pegi ke ndulu
jangan lupe kunci duahe
pantesan ngan tunak alu
rupenye temising di celane


pegi mandi andun behusap
pakai telasan latebuk galeu
pegi tahlilan andun tekanyap
acara makan nak ndulu sajeu

kening tekung sunggeren licin
celane cutbray sugu di sepan
ngaku bujang awaklah batin
nggamit gadis nak ulih nian

gigi kuning bepangga pule
kalu tetawe silaulah mate
jalan begaya busungkan dade
segakne ninik tekemih di celane

budak kecik duduk tekangkang
tecias nangis rami dunie
kalu cerite suahe bedengkang
tapi sayang nak mbuhung saje

ndung budak duduk di pance
segale jeme di upat gale
badan bungkuk jalan behabe
ngerlingi gadis nide bebehe

jangan nian ngumung nyelekit
jeme tesinggung atine sakit
nimak nian bebini tenggit
mbelikan celane lejulah supit


nenek bungkuk belajar nari
mpai behangkat musik lah abis
jangan galak mbuhungi laki
di tinggel sahak pacak tenangis

gi kecik namenye langli
lah besak jadi kecubang
gi kecik dielah kanci
pacak tebawe sampai bujang

kalu ngan nangkap kekanji
tangkap pule anak belalang
sare  napukkan bujang kanji
guk kambing alap agilah ribang


ketanjung  andun midang
ungkus nigang minta kebini
tuape titu besak panjang
payu tetak kite bebagi

celane cantung sepatu jingki
baju kecik kinaan busung
masih bujang cakahlah bini
pisau diasah pacak besahung

nenek bute belajar mbace
mulutne mingut melate late
kalu tetawe jangan neman ige
kalu tekincit dalam celane


ade budak bedame buyan
nindak begawi hobine makan
manggut2 luk ngerti nian
di tanye umur ndeu keruan
...
palakne tagug bejambul pule
bajune gebukh kuring maring
muke bangub di gocoh jeme
gare- gare belajar maling


alangkah tinggi batang tehap
buahne kuning manis asene
udim kudei ngan cicak alap
rukuk sebatang nak minta saje

ayek enim banyak muahe
badah jeme mancing kepiul
sape pule ngatekan nikde
payulah ndulu ngan kususul

udim begawi kite bemasak
masak nasi pakai geringsing
ude kudei cicak belagak
resliting diwik ndeu tekancing


pegi kume pakai cenilah
salah surum lain ragine
umak ringam bapang marah
nginai ngan nyendaul saje


tehung tue lepang pingkul
ulih nanam diume sebrang
napas jehih iak kekakul
nginai gadis masih nak linjang

nak sedekah payulah ngumbut
sawit ditebang krn sehut
kalu ngan minta di sambut
uluhkan tangan kele kukahut

burung punai burung teki
buat sarang dibatang kawe
cubelah tebak teka teki
buhuk tegantung ape namenye

bengkatak buntak namene pertung
mulutne kecik suahe bedengking
pedie titu buhuk tegantung
itulah die lampu terungking


anak ayam nangis teciap
aning ndukne laju belahi
ape gune bemuke alap
banyak gaya nindak begawi


PANTUN BUJANG GADIS

bedecup anjing belahi
nginai kucing bekacemate
bedegub ase di ati
nginai ngan jalan bedue


ketalang menanam kawe
kawe abis di makan kehe
nginak ngan duduk bedue
ase tengkahup isi dunie

beli teri cukup semate
dibasuh boleh dibuang jangan
kalu ngan penanan mate
diusap boleh di culak jangan


Mancing piluk di langkai batu
batu anyut dibawe rawang
sejak adik iluk ngan aku
tadi biase lajulah ribang

 surat cinta motipne kembang
diterime gadis hatine senang
memakne aku nde ke ribang
muke alap senyum tekembang

bukan piluk sembarang piluk
piluk di pancing parak muare
kami iluk ngan juge iluk
kalu miktu jadikan saje...


ikan keli ikan kalang
nangkap ikan pakai bubu
aku galak ngan ribang
sayang pejadi ndeu setuju

ke tanjung lewat benagung
singgah kudei di penyandingan
gi bujang nindak behajung
kele tue sare dibadan

tebing napal bertangge batu
mengayuh sampan kearah hulu
rayuan gombal sekali perlu
untuk menghibur hati yang kelu

Tebang buluh barang sebatang
belah empat jadikan kandang
jangan nangis adingku sayang
paraklah  kakak kite betembang

ikan serisik dipulau sebrang
naik perahu ayahlah rawang
kisan gikecik ngan kuribang
lah  besak dipinang orang

ahi ujan lampu dang mati
bujang gadis busik behakap
awak kecik tapi nak njadi
ntauk urung gawi tesilap
...

perahu buhuk di tunde mancing
mihis dikit jadi temiring
awal kate bergelut anjing
akhir cerite jd tebunting

jalan-jalan kedusun pandan
jalane liut banyak tuhunan
ndeu pesta sanak maluan
piring terbang jadi ahapan

bagung betanduk damene tenuk
bebulu itam beketing pandak
busung besak ujineu bunguk
nde taune isinye budak


njale ikan pakai perahu
perahu oleng nyangkut di napal
malam minggu kite ketemu
kite cerite sambil kerakal

tanah bencah baruhne lintah
badah budak memancing puyu
harge diri ade di lidah
salah ucap badan temalu

dijauh luk ngguh nian
dipara'i rupene kane
ndeu ngenjuk tapi kesian
nak ngenjuk ini adene

kelape mude namene dugan
kecik lagi itulah mumbang
kalu begawi payu bepagan
pejadi injik gadis teribang

pangkalan ulu betangge tinggi
budak kecik main caburan
jangan kutan becite tinggi
asak sesuai dengan aturan

bake besak isine puntung
taline kuat kerne sembike
bile sikap lejulah sumbung
alamat badan jauhi jeme

nungkus api diume talang
puntung basah ditimpe ujan
hidup didunie tehase lapang
bile bersyukur dgn keadaan

tinggilah tinggi pohon kepayang
masilah tinggi  sipohon pauh
gi kecik di sayang sayang
lah besak merantau jauh

alangkah lemak gulei tehung
tehung di gulei campur udang
daripade gawi ke urung
payulah kite kawin sebambang

orang buta jalan di tuntun
tongkat diayun hati meraba
ayo kita belajar pantun
warisan budaya moyang kita

pegi ketanjung mbeli katun
katune alap beragi ragi
ini kate sekedar pantun
jangan masukkan ke dalam ati

jangan galak melate late
apelagi ngumung ngelantur
pantun ini permainan kate
silakan bace semoga terhibur


Jakarta 22 Desember 2010


sendayang titik melintang jalan
Ninik duduk di pehaduan
Kisan kecik lengit dijalan
Balik dusun badan maluan

Nak manis manislah gule
simpan lame didlm peti
nak nangis nangislah mate
asallkan lege rasene hati

jangan galak melate late
apelagi ngumung ngelantur
pantun ini permainan kate
siape tau pacak menghibur

jeme bute jalan dituntun
tongkat ngayun hati mehabe
ayo kite belajar pantun
warisan budaye ninik muyang kite

curup tenang tinggi ayahne
tempat mandi sianak dare
kami injik tiade terkire
...sanak dirantau balik gale

padi ampe di tampi- tampi
nampi sebake dapat seades
luke di jahi di jampi-jampi
kane sembuh malah mehides

tebang kayu buatlah antan
antan jadi tinggellah lesung
kalu hidup tanpe antanan
sare diwik kemane ngacung

alangke lemak sambel kuini
ditambah lagi gulai seluang
payu umak cakahkan bini
akulah puas meringkul suhang

kayu pelawi pinggir badas
anak ketam dalam sayak
memane kami dide keladas
ngetam udim kawe lahmasak

gumbak licin dibelah tengah
kening lucum benile- nile
dipesta nak nengah-nengah
diajung nyanyi njegum saje

burung percang burung teki
batang hukam beduhi duhi
bujang kanji kutan belaki
mpai nak ngancap gadis belahi

ninik jantan bejalan kume
budak kecik bebaju kurung
mangki badan dek jadi jeme
balik kedusun dide keurung

batang salak beduhi duhi
muhu panjang becagak due
gadis alap banyak njauhi
inilah nasib bujang sare

liling buntak liling panjang
liling kembuai dimasak santan
masih budak tapi lah linjang
ajur gawi memane rasan