gayung bersambut

SRI ATIKA :
“la ade kain masih nak kemban, karena kemban, karena kemban di dalam peti,ade yang lain,ade yang lain masih nak engan, karene engan penuju hati... ..erai la erai era serumpun, serai ditanam, serai ditanam di tengah laman,biar becerai , biar becerai di lain dusun, jgnlah lupoe,jgn lah lupoe ngan dusun laman......”


MARLAN BD : 
“batang... salak beduhi duhi,
muhu panjang becagak due
gadis alap banyak njauhi
inilah nasib bujang sare

SRI ATIKA : “kandis di batak di sambang dabuk,
 ade pulo sambang buluh munti...
gadis endak bujang lapuk,.
die nak bujang makan gaji..


MARLAN BD : “numbak ikan pakailah kayu
kayunye luhus lancip diujung
kalau ading kendakne miktu
kakangkan pegi ngadu untung

SRI ATIKA : “kalu ade kace di pintu..
daun dedap pembungkus nasi.,
kalu ade niat mak itu,
alangke sedap hase di ati.....


MARLAN BD : “bukan piluk sembarang piluk
piluk di pancing parak muare
kami iluk ngan juge iluk
kalu miktu jadikan saje...

SRI ATIKA : 
“amun nak mandi payoulah mandi,
anak burung la mandi galou...
amun nak njadi pilah njadi..
rasanke kudai guk jemou tuo.....


MERLAN BD :
“kelembak memancing kalang
nangkap ikan pakailah bubu
aku galak ngan ribang
ngapeu pejadi ndeu setuju

SRI ATIKA : 
“burung nuri terbangnye tinggi,
ade batakan daun selaseh..
ading bepantun akan berhenti..
ading ucapke terimakaseh.....

Marland bd
Huma limas bedinding papan
Berdiri tegak dibanyak tiang
Same maksud kite serasan
Same langkah kite sekundang

Tanjung enim kota berikat
Batu bara jadi andalan
Mari kite menjunjung adat
Jangan sampai langgar aturan

Jalan-jalan kecuhup tenang
Jalannya nanjak serta berliku
Didunia maya kita bersenang
Mencari teman menambah ilmu

Sri Atika
sakan kupakai pisau tumpul,
karena dak katek batu asahan,
sakan lemak kite bekumpul,
karene kite semue serasan. .....

Erai2 serai serumpun,
serai ditanam ditengah laman,
empouk la becerai di lain dusun,
jgn lupo dgn dusun laman ...

Marland Bd
curup tenang tinggi ayahne
tempat mandi sianak dare
lewat internet kite besue
mangki jauh banyak saudare

Marland Bd
kalau tuan pergi kalangan,
jangan lupe mbawe selepe.
 kalau tuan jeme enim nian,
sambutlah pantun mamang sekate.

pegi merantau ditengah dalu,
lewat dari dusun mendingin.
amen hindu dusun di ulu,
bacelah pantun sambil memuning

Marland Bd
 jalan behakap dide bebelur
tehamban batu laju tepelintut
tuape titu bunyi bedegur
rupenye nenek duduk tekentut

kalu ngan pegi kendulu
jangan lupe kunci duahe
pantesan nenek tunak alu
rupenye temising dalamcelane

Nenek Merindu
Duduk di pance tekantuk tekantuk,
sambil ngusapi pehut buncit.
kane niniek duduk tekentut ,
tapi i niniek la tekincit..

Marland Bd
nenek bute belajar mbace
mulutne mingut melate late
kalu ngentut jgn ngeden ige
kalu tekincit dalam celane

Nenek Merindu
alangkah lemak numpak mobil sidan,
behusik ke dusun lambur.
makmane lagi nak ngedan,
amun kincit la belambur,..

Marland Bd
masak lemang ade sebaris
utk dimakan bebiye ngetam
mpuk sareu jangan nangis
semang balik kite temalam

masak bubur sampai ndideh
dikudak sampai ahi siang
aku nangis kaneu bersedih
karene bisul teantuk tiang...
pada hari Selasa · Tidak SukaSuka · ·

Ardiansyah Bonang
amun cecak ngape di nangke
amun bengkahung ngape di tanah
amun bengkak ngape di dade
amun bisul ngape nide benanah

Nopizah
Karne buluh sebatang badan bemiang
Buluh dibuat untuk tikakh
Kane salah tiang ngadang dijalan
Tapi karne mate dengan dide njelahk

Marland Bd
Pegi ketalang ahi lah petang
Burung berba balik kesahang
Sangkan bisulku teantuk tiang
Karne aku jalan gegacang

Marland Bd
.Batang kemang lah bubu’an
Buahneu abis dimakan behuk
Sangkan aku jalan gegacang
Kutan disusul kapuh enduk

Marland Bd
tanah bencah baruhne lintah
badah budak memancing puyu
harge diri ade dilidah
salah ucap badan temalu

Marland Bd
pegi ketanjung mbeli katun
katune alap beragi ragi
ini kate sekedar pantun
jangan masukkan ke dalam ati

Marland Bd
beli teri cukup semate
dibasuh boleh dibuang jangan
kalu ngan penanan mate
diusap boleh di culak jangan

Nopizah
didekan salah dihi melangkah
Keluakh ndi humah dengan senyuman
Karne galak ngedahi teri matah
Mangku kan jadi bute ayaman

Marland Bd 
ninik merindu ngulah anyaman..
sekedar penyambung untuk idup...
lemak puleu bute ayaman...
nyantak ahi sehase hedup


Nopizah
Kalulah banyak buah dehian
Buatkankan asam untuk jualan
karenakan penanan mate pencarian
Sangkan lah ardian buntu sepanjangan


Sri Atika
tebat batu banyak ikannya,
kandis di ambek di lebak budi.
.biar buntu tetap bergaya.
Lah sakan banyak gadis tebudi.......


Marland Bd 
diulu panden lebak budi..
due dusun same betutur...
sangkan banyak gadis tebudi..
.gilah sapeu asal bemutur.

Sri Atika
ngape pais di makan lemak.
Dicampur asam tempoyak baru..
.ngape gadis mak ini byk lallak..
krn mdh silau dengan mutur baru.......

Marland Bd
tehung mude dibuat lalap..
.lemak dicampur pakai sawi.
..untuk ape bemutur alap..
.banyak gaya nindak begawi

Nopizah
asam kandis ndi lebak budi
asene kecut bukan mainan
sangkan gadis banyak tebudi
cuman nginai ke penampilan

Marland Bd
asam kandis buah haman..
lemak dimasaki dgn ikan.
banyak gadis ikutan zaman.
perintah tuhan diabaikan

Marland Bd
au nian.....alangkah tinggi batang tehap
buahne kuning manis asene
banyak bujang cicak alap
rukuk sebatang nak minta saje

Sri Atika
jeruk purut ditengah laman.
ditanam separaan dgn btg kencur..
.amun nak nurutke perkembagan jaman..
langit tetideng dunie ancur.....

Nopizah
kepulau Bangka nyemberang selat
semberang selat dengan perahu
kalu nak selat dunie aherat
jangan tinggalkan yg lime waktu

Nopizah
Tebulat –bulat kene tehun
Demi dipicet die ngelungkung
Ku kinak-kinak nenek nyemulung
Abad ne nenek teteguk kulat idung


Nenek Merindu
kukinak ibung duduk termenung,
duduk termenung sambil nyembulung.
kane niniek teteguk kulat idung,
tapi niniek teteguk tehung

Marland Bd
nungkus api diume talang
puntung basah ditimpe ujan
hidup didunie tehase lapang
bile bersyukur dgn keadaan

Air beriak tanda tak dalam
Tenang laut susah diukur
Hasrat baik jangan dipendam
Luruskan niat tangan terulur

.Rusakl besi karena karat
Lapuk papan ditimpa hujan
Rusak hati karena hasrat
Laku yang baik jadi teladanLihat Selengkapnya

Nopizah
Dide kan lemak makan tupak
Makan nasi gulai ne pais piluk
Kalu sekambangan lah idup lemak
Pacak nolongi kance lebih iluk

Nopizah
dide lemak tiduhk beselimut anduk
anduk dijahit ngan kain sumpit
Rusak mate tekene kabut
Ngina’i nenek betari ngengendit

Yan Putra Dempo
beli snek seribu diwarung wak gandit.
.warung wak gandik parak rel sepur..
belum seru amu nenek ngengendit.
..lebih seru kalu die la ngebor..

Khoiriah Yusya 
Bejalan mlm mbata obor.
. Mangke dide tegelincir..
Ninek jgn diajung ngebor..
Kele pinggangnye tepelinter..

Yan Putra Dempo
Kesuka nenek merindu naik sepur.
tetiduk laju tegalau kebandar aji...
amu nenejk marindu dide boleh gyng ngebor..
payo die kt ajng goyang gergaji...

Khoiriah Yusya
Buah manggis buah kepayang..
Dlm ambung buah keranji..
Dide pantas ninek begoyang..
Ninek la tue ajunglah ngaji..

Yan Putra Dempo 
Buah mengkudu buah keranji.
buah tempehukak masuk dlm bake
ai. amu nenek marindu la ngaji,.
ade lukak masuk serge...

Sri Atika
ati2 marakki kaco,
kalu tesenggol kaconyo pecah,
ati2 kalau bekato,
karena kato kito jadi susah......

Semerbak wangi embau melati,
mekar lestari di tengah laman,
ilmu yg tinggi tidak berarti,
bila hidup tidak beriman...

Nopizah
Batang kandis ditengah lalang
Lalang ditunu ditaman bayam
Oi makmano gadis nak ribang
Kalu pegawian cuman nyabung ayam


Marland Bd
kelape mude namene dugan
kecik lagi itulah mumbang
kalu begawi payu bepagan
pejadi injik gadis teribang

Nopizah
Selagi mude bename dugan
Behinggut tue die besantan
Selagi mude cakahk pencarian
Berharap tue hidup lah nyaman


Marland Bd
tebang kayu buatlah antan
antan jadi tinggellah lesung
kalu hidup terase nyaman
lemak kinah kemane ngacung

Nopizah
Batang kapuk dibuat papan
Papan di ikat dengan tambang
Mpuk hidup dihi lah mapan
Jangan lupekan ndung ngan bapang

Marland Bd
bake besak isine puntung
taline kuat kerne sembike
bile sikap lejulah sumbung
alamat badan jauhi jeme

Nopizah
Puntung beragai dide keruan
Kemane bake disitu sembike
Dimane badah Perangai Ilok lakuan
segale jeme ribang gale

Marland Bd
nungkus api diume talang
puntung basah ditimpe ujan
hidup didunie tehase lapang
bile bersyukur dgn keadaan

Nopizah
ahi hedup betande kan Hujan
hujan di ulu tuhun kendian
kalu hidup memang belum bagian
serahkan hidup keridoan tuhan


Marland Bd
Nak manis manislah gule
simpan lame didlm peti
nak nangis nangislah mate
asallkan lege rasene hati

Nopizah
kain katun dijemur di tundan
untuk bekumpul tundan di dibuat
Ini pantun bukan sembarang bantun
Pantun ini pantun berisi nasihat

Marland Bd
Pegi mikat ke padang bindu,
membawe ibat tige ikat.
umak bapak harus dihindu,
mangke idup kite selamat

Marland Bd
tangan klsu ditendang kuntau,
dibawe pegi ke tukang uhut.
walau badan jauh dirantau,
kate umak bapang dituhut

burung pipit mati tegimpit,
anak ayam mencicit-cicit.
amen durhake idup kan sempit,
alamat sare tejehit-jehit

Nopizah
Dari talang benikat ke padang bindu
Pegi memikat burung perindu
Mamane ayek mate dekde ke metu
Bukan asean kalu bapang lah pegi ndulu

Marland Bd
anak selimang dibawah batu,
batu diangkat selimang lahi.
anak umang harus dibantu,
supaye berkat sepanjang ahi

Nopizah
Kumbang warne anak kere
Anak kere naik’I sapi
Anak umang kite pelihare
Sesuai kate sunah nabi

Yan Putra Dempo
Lemak nian makan kuini..
kuini didapat dari kedatun..
mak mane nian sinyal ku mak ini..
laju dik pacak milu bepantun

Marland Bd
anak umang pegi ke sawah,
membawe ibat bekuah cuke.
alamat badan kite betuah,
ati lapang sampai nggok tue.

Nopizah
Makan siang gulai kembual
Keli di makan didekan gatal
Kalu ngan ringam ngan sinyal
Beli HP sekalian sinyal

Marland Bd
mandi kayek lupe besabun...
awak gatal lahhelak pule...
kalu dengan hobby bepantun...
tolong enjuki barang sekate

Yan Putra Dempo
Pegi ke utan nganbik sendayang..
sendayang didapat masuk dakam bake..
amu idup dide sembayang..
alamat nian masuk nerake

Marland Bd
anak dare ngomongnya santun,
membawe talam tangan due.
ngape sangkan kite bepantun,
palak pening tanggal tue.

Nopizah
tige sendayang jatuh beruntun
ketige sendayang lah buhuk gale
Empuk kan hidup seribu tahun
Dide sembayang tuape gune

Marland Bd
pantun ini pantun nasehat ,
pembawe ujar-ujar hidayat ,
supaye idup kite selamat,
sampai isok diakhir hayat.

Yan Putra Dempo
Alangkah lemak makan lundang..
sayang buahe banyak beduhi..
mak nian bekance serasan sekundang..
ase badan dihuma sendihi

Marland Bd
pegi kume dimalam pekat,
bejalan malam kedusun surau.
petande idup kite berkat,
keluarge diurus sanak dipantau

Nopizah
Naik kereta ke martapura
Dimartapura membeli angsa
Jangan buta karena harta
karena Harta hidup Binasa

Yan Putra Dempo
Satu due udimtu tige..
amu dijmlah menjadi enam..
ngunian ai kance li gawe denie..
dik nyengkare masuk nerake jahanam

Nenek Merindu
Jalan-jalan ke seleman
mampir kudai ke lebak budi
Wahai kawan sesama seniman
Mari lestarikan budaya pantun ini

Nopizah
pegi ke talang membawe selasih...
aku kan kisit serime kaseh

Marland Bd
jale ditahik dapat lemutih....
aku jg nak balik, terime kash

Nenek Merindu
buah duku di dalam bakul,..
I love u full,..

Yan Putra Dempo
Nenek merindu aku lahindu..
nenek ku sayang tempat mangadu..
amu dang buntu ku meli pulsa seribu...
ne penting ketemu ngga niningku

Nenek Merindu
nenek merindu itu nameku,..
banyak cucung tempat mengadu,..
amun cukup duit seribu kite betemu,..
alangkah lemak melepas rindu,

Yan Putra Dempo
Gulai labu campur liling..
cucung dang buntu ning


Nenek Merindu
alangkah lemak sambal cung,..
ape lagi dicampur petai,..
amun dang buntu cung,..
manjat kian puhun petai